Gəncə kollecində korrupsiya: Keçmiş direktorlar ittiham olunur

Gəncə Dövlət Universitetinin nəzdində fəaliyyət göstərən Gəncə Dövlət Regional Kollecində korrupsiya halları aşkar edilib. Kollecin keçmiş rəhbərləri Fəxrəddin Zeynalov və İlqar Kubışov, eləcə də iki əməkdaşı Gülnar Bağırzadə və Məlahət Əsgərova cinayət məsuliyyətinə cəlb olunublar.

Minval.info xəbər verir ki, onlara qarşı Cinayət Məcəlləsinin 308-ci (vəzifə səlahiyyətlərindən sui-istifadə etmə) və 179.3.2-ci (külli miqdarda mənimsəmə) maddələri ilə ittihamlar irəli sürülüb. Təqsirləndirilən şəxslər hazırda həbsdə deyil, lakin məhkəməyə qədər “polisin nəzarəti altına vermə” qətimkan tədbiri seçilib.

Əgər dəymiş ziyan ödənilməzsə, bu şəxslər 5 ildən 10 ilə qədər həbs cəzası ala bilərlər. Xatırladaq ki, 2023-cü ilə qədər Kollecin rəhbəri Fəxrəddin Həsənov olub. O, təqaüdə çıxdıqdan sonra İlqar Kubışov bu vəzifəyə təyin edilib, lakin bir il sonra vəzifəsindən azad olunub.