VACİBKartdan karta köçürmələrə qoyulan limitl – YENİ QAYDALAR
Azərbaycanda bank kartları və elektron pul alətləri ilə bağlı yeni riskəsaslı yanaşma tətbiq ediləcək.
Minval.info xəbər verir ki, bu barədə Azərbaycan Banklar Assosiasiyası (ABA) və Azərbaycan Fintex Assosiasiyası (AzFina) birgə məlumat yayıb.
Yeni qaydalara əsasən, hər bir ödəniş aləti üzrə gündə maksimum 5 mədaxil əməliyyatı, ay ərzində isə 20 min manata qədər mədaxil əməliyyatlarının aparılması nəzərdə tutulur.
Bundan başqa, banklar və elektron pul təşkilatları tərəfindən müştərinin hər bir hesabına bağlı maliyyə xidməti məhsulu üzrə yalnız bir ödəniş aləti təqdim ediləcək. Hazırkı mərhələdə məxaric (çıxarış) əməliyyatlarına hər hansı limit tətbiq olunmayacaq.
ABA bildirib ki, bu yanaşma sağlam maliyyə əməliyyatları aparan müştərilər üçün əlavə məhdudiyyət yaratmayacaq. Belə ki:
- Müştərinin öz hesabları və yaxın qohumlarına məxsus ödəniş alətləri arasında aparılan köçürmələr limitdən istisna ediləcək.
- Müştəri əməliyyatın mahiyyətini əsaslandıran məlumat təqdim etdikdə və əməliyyat onun risk profilinə uyğun olduqda limitlər tətbiq edilməyəcək.
- Zərurət yarandıqda əsaslandırılmış müraciət əsasında əlavə ödəniş alətlərinin verilməsi də mümkün olacaq.
Qurum vurğulayıb ki, yeni yanaşma rəqəmsal ödənişlərin gündəlik istifadəsinə mane olmayacaq və vətəndaşlar POS-terminallar, mobil bankçılıq və digər elektron ödəniş xidmətlərindən əvvəlki qaydada istifadə etməyə davam edəcəklər.
ƏLAQƏLİ
Faciəvi qəzada ölən gəncin anası müraciət yaydı: “Təqsirkar layiqli cəzasını almalıdır!”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Arzum 999"un məhkəmə prosesi davam edir
SON DƏQİQƏMüəllimini güllələyən şagirdə hökm oxundu
Şəhid oğlunun iddiaları ilə bağlı - Rəsmi açıqlama
İrandan təhlükəli siqnal: Qırmızı dəniz bağlana bilər
