Bakıda yeniyetmələrin elektron qəlyan savaşı: Dostluq bıçaq zərbəsi ilə bitdi

Bakıda iki yeniyetmə arasında elektron qəlyan səbəbindən baş verən münaqişə qanlı nəticələndi. Hadisə ilə əlaqədar S.S.-nin cinayət işi üzrə məhkəmə prosesi keçirilib.

Minval.info xəbər verir ki, Bakı Ağır Cinayətlər Məhkəməsində hakim Firdovsi Əliyevin sədrliyi ilə keçirilən iclasda şahidlər ifadə veriblər. Zərərçəkən Ə.N.-in nənəsi ifadəsində, “Bizim evlərimiz yaxın məsafədə yerləşir. Həmin gün qızımın evində idim, nəvəm də orada idi. Evimə qayıtdığım zaman səs-küy eşidib pəncərədən baxdım və S.S.-nin əlində bıçaqla nəvəmin üzərinə hücum etdiyini gördüm,” deyə bildirib.

Digər şahid Ə.Z. isə hadisə günü S.S.-nin Ə.N.-lə əlbəyaxa olduğunu gördüyünü deyib: “Evimdə olduğum zaman bir qadının kömək çağırışını eşidib çölə çıxdım. N.-in zərbələr aldığını gördüm və kömək üçün qışqırmağa başladım. İnsanlar toplaşanda S.S. hadisə yerindən qaçdı. N.-i qucağıma alıb evlərinə apardım və dərhal polisə zəng etdim.”

ƏLAQƏLİ

Bunu da oxu

Gəncədə doğum günü faciəsi: Restoran mübahisəsi ölümə gətirib çıxardı

11.08.2026 - 19:06

Növbəti məhkəmə iclası sentyabrın 1-nə təyin olunub. Hadisə 13 oktyabr 2025-ci ildə Bakı şəhəri, Binəqədi rayonu, 28 May qəsəbəsində baş verib. İttihama görə, S.S. tanışının elektron qəlyanını alıb geri qaytarmadığı üçün münaqişə yaranıb. Bıçaqlanan yeniyetmə isə qəlyanı alınan şəxsin qardaşı olub.