Bakıda xüsusi zolağa girənlərə 100 manat cərimə

Bakıda nəqliyyat vasitələri üçün xüsusi hərəkət zolaqları təşkil edilir. Bu zolaqlar Mirzəağa Əliyev və Abdulla Şaiq küçələrində yaradılır və avtobusların sərnişinləri rahat və maneəsiz daşımasını təmin etmək məqsədi daşıyır. Zolaqların eni standartlara uyğunlaşdırılaraq avtobuslar üçün əlavə zolaq təşkil edilib. Hazırda bu küçələrdə nişanlanma xətləri çəkilir və müvafiq yol nişanları quraşdırılır.

Minval.info xəbər verir ki, bu zolaqlara daxil olan sürücülər 100 manat məbləğində cərimə və 2 bal cəza ilə üzləşə bilərlər. Bu tədbirlər, artan sərnişin tələbatını qarşılamaq və nəqliyyatın daha səmərəli idarə olunmasını təmin etmək məqsədilə həyata keçirilir.