Bakıda silahlı insident: 56 yaşlı kişi güllələndi

Bakıda güllələnmə hadisəsi baş verib.

Hadisə iyunun 8-də paytaxtın Yasamal rayonu ərazisində qeydə alınıb.

Minval.info xezerxeber.az-a istinadən bildirir ki, rayon ərazisində yaşayan, 1969-cu il təvəllüdlü Rafət Abış oğlu Nərimanov aralarında yaranmış şəxsi münaqişə zəminində 1962-ci il təvəllüdlü Nizami Teymur oğlu Qasımova təhlükəli ov silahı ilə atəş açaraq yaralayıb, sonuncunu öldürməyə cəhd edib.

Faktla bağlı Yasamal rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.