Bakıda qadın bahalı telefonunu taksidə itirdi

Bakıda bir qadın iPhone 14 markalı telefonunu taksidə unudub və geri ala bilmir. Hadisə sentyabrın 4-də, saat 14:56-da baş verib. Vinera Mirzəbəyova adlı şəxs Yasamaldan Avtovağzala getmək üçün “Bolt” taksi xidmətindən istifadə edib. Avtovağzalın yuxarı dayanacağında avtomobildən düşərkən yükünün çox olması səbəbindən telefonunu maşında unudub.

Minval.info xəbər verir ki, telefonun səsi açıq olub və qısa müddət sonra sürücüyə zəng edilsə də, telefon əvvəlcə açılmayıb, daha sonra zənglərə “adboy” verilib və söndürülüb. Hadisə ilə bağlı Daxili İşlər Nazirliyinin 102 xidmətinə məlumat verilib və 40-cı Polis Bölməsində şikayət ərizəsi yazılıb. Telefonun qutusunda qeyd olunan IMEI 1 və IMEI 2 kodları da təqdim edilib.

Vinera Mirzəbəyova bildirib ki, telefonun içində onun əməliyyatının planlaması ilə bağlı vacib videolar var və ayın sonunda əməliyyata girəcək. O, telefonunun tapılmasında köməklik göstərilməsini xahiş edir.