Bakıda narkotik alverçilərinə qarşı əməliyyat - FOTO

Bakıda narkotik vasitələrin satışı ilə məşğul olan şəxslər saxlanılıb.

“Minval.info” DİN-ə istinadən xəbər verir ki, narkotik vasitələrin satışı ilə məşğul olan Binəqədi qəsəbəsi sakinləri əvvəllər məhkum olunmuş Ruhin Səttarov, Kübra Həsənova, Tərlan İsrafilov və Nəcəf Əsədi saxlanılıblar.

Onların üzərlərinə baxış zamanı şəxsi istehlak miqdarından artıq çəkidə narkotik vasitə olan heroin aşkar olunaraq götürülüb. Saxlanılan şəxslər ifadələrində narkotik vasitələrin dövriyyəsi ilə məşğul olduqlarını etiraf ediblər.

Faktla bağlı araşdırmalar davam etdirilir.

“Minval.info”