Bakıda mənzil dələduzu saxlanıldı: 15 min manatlıq fırıldaq!

Bakı şəhərində mənzil almaq adı ilə dələduzluq edən şəxs hüquq-mühafizə orqanları tərəfindən saxlanılıb. Bu barədə Daxili İşlər Nazirliyindən verilən məlumata görə, Binəqədi Rayon Polis İdarəsinin əməkdaşları tərəfindən həyata keçirilən əməliyyat nəticəsində 42 yaşlı X.Məmmədov adlı şəxs saxlanılıb.

Minval.info xəbər verir ki, araşdırmalar zamanı X.Məmmədovun zərərçəkmiş şəxsə mənzil almaqda köməklik edəcəyi vədi ilə 15 min manat məbləğində pulunu mənimsədiyi müəyyən edilib. Faktla bağlı cinayət işi açılıb və məhkəmənin qərarı ilə saxlanılan şəxs barəsində həbs qətimkan tədbiri seçilib.