Bakıda küləkli hava: Sarı və narıncı xəbərdarlıq

Bakıda və Abşeron yarımadasında, eləcə də bəzi bölgələrdə sentyabrın 7-dən 8-i səhərədək küləkli hava şəraiti gözlənilir. Bu səbəbdən sarı və narıncı xəbərdarlıq elan edilib. Milli Hidrometeorologiya Xidmətindən verilən məlumata görə, Bakıda və Abşeron yarımadasında, həmçinin Ağstafa, Qazax, Tovuz, Şəmkir, Samux, Gəncə, Daşkəsən, Goranboy, Naftalan, Mingəçevir, Yevlax, Bərdə, Tərtər, Ağdam, Balakən, Zaqatala, Qax, Şəki, Oğuz, Qəbələ, Göyçay, Ucar, Qusar, Xaçmaz, Şabran, Siyəzən, Xızı, Qobustan, Hacıqabul və Neftçala bölgələrində narıncı xəbərdarlığa uyğun olaraq şimal-qərb küləyi əsəcək və küləyin sürəti 20.8-28.4 m/san-dək güclənəcək.

Minval.info xəbər verir ki, Gədəbəy, Göygöl, Şərur, Sədərək, Quba, Salyan, Şirvan, Sabirabad, Saatlı, Cəbrayıl, Zəngilan, Kəlbəcər, Laçın, Füzuli, Beyləqan, İmişli, Kürdəmir, Ağsu, Şamaxı, İsmayıllı, Zərdab, Ağdaş, Ağcabədi və Xocavənddə isə sarı xəbərdarlığa uyğun olaraq şimal-qərb küləyi əsəcək və küləyin sürəti 13.9-20.7 m/san təşkil edəcək.