Bakıda itkin düşən qadının dəhşətli aqibəti: Oğul qətli etiraf etdi
Bakıda bir il əvvəl itkin düşmüş bir qadının qətlə yetirildiyi ortaya çıxıb və bu cinayətdə onun oğlu şübhəli bilinərək saxlanılıb.
Minval.info xəbər verir ki, Baş Prokurorluq, Daxili İşlər Nazirliyi və Ədliyyə Nazirliyinin Penitensiar Xidməti tərəfindən aparılan birgə istintaq nəticəsində 1954-cü il təvəllüdlü Timofeyeva Lyudmila Veniaminovnanın qəsdən öldürüldüyü müəyyən edilib.
İlkin istintaq zamanı əldə olunan sübutlar 1994-cü il təvəllüdlü Məmmədov Elnur Həsən oğlunun 2025-ci ilin iyul ayında anası ilə mübahisə etdikdən sonra ona fiziki zor tətbiq edərək ölümünə səbəb olduğunu göstərir. Daha sonra isə meyiti yaşadıqları evin həyətində basdırdığı müəyyən edilib.
Hadisə yerində aparılan qazıntı işləri zamanı Səhiyyə Nazirliyinin ekspertləri tərəfindən qadının skeleti aşkar edilib. Bu faktla bağlı Cinayət Məcəlləsinin 120.1-ci maddəsi ilə cinayət işi açılıb və Elnur Məmmədova ittiham irəli sürülüb.
Hazırda cinayət işinin hərtərəfli araşdırılması üçün istintaq tədbirləri davam etdirilir. Baş Prokurorluq itkin düşmüş şəxslərlə bağlı işlərin araşdırılmasına xüsusi diqqət yetirir və aidiyyəti qurumlarla birgə tədbirlər həyata keçirir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Gəlinini bıçaqlamaqda ittiham olunan şəxs təcridxanada vəfat etdi
Vüsal Şilderin qətli: cinayətin qiyməti 1000 manat olub?
Bakıda 117 min manatlıq dələduzluqda təqsirləndirilən şəxsə hökm oxundu
Sumqayıtda keçmiş yeznəsini aldatdı, məhkəmə qərarı verildi
Avtoxuliqanlıq edən sürücü 15 sutka həbs cəzası aldı
Polis 103 kiloqramdan çox narkotik vasitə aşkarladı
Vəzifəli şəxsləri şantaj edən baş redaktor məhkəmə qarşısında
