Bakıda avtoxuliqan motosikletçi 15 gün həbs edildi

Bakı şəhərində yol hərəkəti qaydalarını pozaraq avtoxuliqanlıq edən motosiklet sürücüsü Şamil Qasımov hüquq-mühafizə orqanları tərəfindən saxlanılıb. Bakı Şəhər Dövlət Yol Polisi İdarəsinin əməkdaşları tərəfindən həyata keçirilən tədbirlər nəticəsində müəyyən edilib ki, Şamil Qasımov digər hərəkət iştirakçılarının sağlamlığı üçün real təhlükə yaradırdı.

Minval.info xəbər verir ki, onun barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilib və iş məhkəməyə göndərilib. Məhkəmənin qərarı ilə Şamil Qasımovun sürücülük hüququ bir il müddətinə məhdudlaşdırılıb və o, 15 gün inzibati qaydada həbs edilib.