Bakıda avtomobil qəzası: Sürücü həyatını itirdi

Bakıda baş verən yol-nəqliyyat hadisəsi faciə ilə nəticələnib. Hadisə Sabunçu rayonunda, Olimpiya stadionunun yaxınlığında qeydə alınıb. 1998-ci il təvəllüdlü Şahin Məmmədovun idarə etdiyi “Hyundai” markalı avtomobil, 1998-ci il təvəllüdlü Ruslan Mayılzadənin idarə etdiyi “Mercedes-Benz” markalı avtomobili ötmək istəyərkən ona toxunub. Bu zaman “Hyundai” markalı avtomobil idarəetməni itirərək aşıb. Minval.info xəbər verir ki, hadisə nəticəsində Şahin Məmmədov ağır xəsarət alıb və xəstəxanaya yerləşdirilib, lakin onun həyatını xilas etmək mümkün olmayıb. Faktla bağlı cinayət işi başlanılıb.