Bakı metrosunda yeni dəmir yolu marşrutu təqdim edildi

Bakı Metropolitenində xətlərin ayrılması layihəsi çərçivəsində sərnişinlərin rahat hərəkətini təmin etmək məqsədilə “Azərbaycan Dəmir Yolları” Qapalı Səhmdar Cəmiyyəti (ADY) yeni alternativ marşrutlar təqdim edib. Sərnişinlər “Dərnəgül” dəmiryol dayanacağından istifadə edərək “28 May” istiqamətinə qatarla cəmi 11 dəqiqəyə birbaşa gedə bilərlər.

Minval.info xəbər verir ki, həmçinin Xırdalan və Biləcəridən qatarla “Dərnəgül” dayanacağına gələrək, buradan eyniadlı metro stansiyasına keçid etmək mümkündür. Bu yolla sərnişinlər “yaşıl xətt” üzrə, o cümlədən “20 Yanvar”, “İnşaatçılar” və “Elmlər Akademiyası” stansiyaları istiqamətində səfərlərini davam etdirə bilərlər.

ADY, qatarların hərəkət cədvəlinin qurumun rəsmi saytında və “ADY Mobile” tətbiqində təqdim olunduğunu qeyd edib.