Bakı metrosunda qatar tuneldə 40 dəqiqə qaldı

Bakı Metropolitenində qatarların hərəkətində gecikmə müşahidə olunub. Bu səbəbdən yüzlərlə sərnişin metro stansiyalarında və qatarlarda gözləmək məcburiyyətində qalıb.

Minval.info xəbər verir ki, tanınmış vəkil Səməd Vəkilov sosial şəbəkələrdə paylaşım edərək, “Sahil” stansiyasından “İçərişəhər” stansiyası arasındakı tuneldə yarım saatdan artıq qaldığını bildirib.

Jurnalist Elçin Rüstəmli isə qatarın 40 dəqiqədən artıq həmin tuneldə qaldığını qeyd edib. Onun sözlərinə görə, bəzi sərnişinlərin səhhəti pisləşib və təşviş yaranıb. “Şükür Allaha, salamatçılıq olub, problem aradan qalxıb. Nəqliyyat və digər xidmət sektorlarında keyfiyyət pisləşir, bir dəfə də yazmışdım. Daha əvvəl insanlarda məmnunluq yaradan xidmətlər indi narahatlıq mənbəyinə çevrilir” – deyə o əlavə edib.