Bakı, Göyçay və Yevlaxda elektrik kəsintisi olacaq

Bu gün Bakı, Göyçay və Yevlaxın bəzi ərazilərində təmir işləri ilə əlaqədar olaraq elektrik enerjisinin verilişində müvəqqəti məhdudiyyətlər tətbiq ediləcək.

Minval.info xəbər verir ki, “Azərişıq” ASC-dən verilən məlumata görə, elektrik enerjisinin keyfiyyət göstəricilərinin artırılması və artan yük tələbatının qarşılanması məqsədilə sentyabrın 7-də paytaxt ərazisində Transformator Məntəqəsində, eləcə də Göyçay və Yevlaxda 10 kV-luq hava elektrik verilişi xətlərində təmir işləri aparılacaq.

Yasamal Rayon Enerji Təchizatı və Satışı İdarəsinin xidməti ərazisində saat 10:00-dan 13:00-dək Abbas Mirzə Şərifzadə, Abdulla Şaiq, Azad Mirzəyev, Məhəmməd Xiyabani, 7-ci Sallaqxana, Tağı Şahbazi küçələrinin bir hissəsində elektrik enerjisinin verilişində məhdudiyyətlər olacaq. Göyçay Elektrik Şəbəkəsinə daxil olan Cəyirli, Çayarxı və Kürdəmiş kəndlərinin bəzi ərazilərində isə saat 10:00-dan 17:00-dək enerjinin verilişi müvəqqəti dayandırılacaq. Yevlax Elektrik Şəbəkəsinin ərazisində yerləşən Kövər kəndində də saat 10:00-dan 13:00-dək planlı fasilə olacaq.