Badamlı suyunda mamır tapıldı: İctimaiyyət narahatdır

Badamlı firmasının istehsal etdiyi şüşə qablaşdırılmış suyun içində mamır tapılması ilə bağlı görüntülər yayılıb. Bu hadisə ictimaiyyət arasında narahatlıq yaradıb.

Minval.info xəbər verir ki, tanınmış teleaparıcı və jurnalist Ramal İsayev paylaşdığı videoda su şüşəsinin dibində mamır olduğunu qeyd edib. O, “Badamlı”nın yeni mamırlı suları istehsal etdiyini və bu suların istehsal tarixinin keçmədiyini bildirib.

Videoda şüşənin dibində açıq-aşkar mamırabənzər yad maddə müşahidə olunur. Ramal İsayev izləyicilərinə “Bəs siz necə, belə möhtəşəm iyrənc sulardan içmisiniz?” sualını ünvanlayıb.

ƏLAQƏLİ

Bunu da oxu

Azərbaycanda 1 milyonluq dələduzluq hadisəsi

31.10.2026 - 12:24

Azad İstehlakçılar Birliyinin sədri Eyyub Hüseynov məsələ ilə bağlı açıqlama verərək, şüşə qablaşdırmada saxlanılan suların yararlılıq müddətinin bir ildən artıq olmamalı olduğunu vurğulayıb. O, bulaq suyunun uzun müddət saxlanıldıqda çöküntü və yosunabənzər maddələrin yaranmasının mümkün olduğunu bildirib. Hüseynov, belə bir suyun istehlak bazarında olmasının doğru olmadığını və istehsalçı şirkətin mamırların təhlükəsizliyi barədə məlumat verməli olduğunu qeyd edib.