Azərbaycan kinosu böyük rejissorunu itirdi

Azərbaycanın tanınmış rejissoru və ssenaristi Yefim Abramov dünyasını dəyişib. O, Azərbaycan Kinematoqrafçılar İttifaqının üzvü idi və bu barədə məlumatı İttifaq yayıb.

Minval.info xəbər verir ki, Yefim Abramov 14 avqust 1948-ci ildə Bakıda anadan olub. 1980-ci ildə Ümumittifaq Dövlət Kinematoqrafiya İnstitutunda təhsil alaraq, İ.Talankin və Georgi Daneliyanın kursunu bitirib. 1980-1990-cı illərdə “Azərbaycanfilm” kinostudiyasında rejissor kimi fəaliyyət göstərib.

O, “Qorxma, mən səninləyəm” (1981), “Əzablı yollar” (1982), “Qocalar, qocalar” (1982), “Araqarışdıran” (1987) və “Lətifə” (1989) kimi müxtəlif janrlı bədii filmlərin rejissoru və ssenari müəllifi olub. Bundan əlavə, Yefim Abramov “Verona səması altında” (2004) serialının ssenari müəlliflərindən biri kimi də tanınır.