Mübariz İbrahimovun ev muzeyi yenilənir!

Azərbaycanın Milli Qəhrəmanı Mübariz İbrahimovun Biləsuvar rayonunun Əliabad kəndində yerləşən ev muzeyində təmir işləri aparılacaq. Təmir işləri “Əsaslı Tikinti və Təchizat” MMC tərəfindən həyata keçiriləcək. Muzeyin dam örtüyü, su axıdıcı sistemləri və bəzi üzlük materialları yenilənəcəkdir.

Minval.info xəbər verir ki, bu təmir işləri muzeyin fiziki vəziyyətinin yaxşılaşdırılmasına, ziyarətçilər üçün daha təhlükəsiz və baxımlı şərait yaradılmasına xidmət edəcək. Şəhid Mübariz İbrahimovun adını daşıyan muzeyin qorunub saxlanılması, onun həyat və döyüş yolunun gələcək nəsillərə çatdırılması baxımından böyük əhəmiyyət daşıyır.