Boşanma sonrası 93 min uşaq tək valideynlə yaşayır

Azərbaycanda 2021-2025-ci illər arasında boşanma nəticəsində valideynlərindən biri ilə yaşayan uşaqların sayı 93,083 nəfərə çatıb. Bu dövrdə hər il müxtəlif sayda uşaq valideynlərindən biri ilə yaşamağa davam edib.

Minval.info xəbər verir ki, 2021-ci ildə 17,770, 2022-ci ildə 16,334, 2023-cü ildə 21,689, 2024-cü ildə 19,632 və 2025-ci ildə 17,658 uşaq valideynlərindən biri ilə qalıb. Ən yüksək göstərici 2023-cü ildə qeydə alınıb, həmin il 21,689 uşaq valideynlərindən biri ilə yaşamağa məcbur olub.

2025-ci ildə ölkədə ümumilikdə 20,675 boşanma rəsmiləşdirilib. Bu boşanmalardan 4,284-ü bir uşaqlı, 5,900-ü isə iki və daha çox uşağı olan ailələrdə baş verib. 18 yaşadək uşaqları olan ailələrdə baş verən boşanmalar isə ümumi boşanmaların 49.3 faizini təşkil edib. 2021-ci ildə bu göstərici 61 faiz idi. Statistikaya əsasən, 2025-ci ildə hər 100 boşanmaya 173 uşaq valideynlərdən biri ilə qalıb.