Şamaxıda kanalizasiya böhranı: Sakinlər bezib!

Şamaxı rayonunun Şəhriyar qəsəbəsində yaşayan sakinlər, uzun müddətdir ki, kanalizasiya sisteminin olmamasından əziyyət çəkirlər. Sakinlər bildirirlər ki, çirkab suların toplanması üçün həyətlərində qazdırdıqları quyular dolduqca, tullantı suları küçələrə axır. Bu vəziyyət, həm qoxu, həm də ağcaqanadların çoxalması səbəbindən evdə oturmağı çətinləşdirir.

Minval.info xəbər verir ki, Şamaxı Su Meliorasiya Sistemlərinin İstismarı İdarəsindən verilən məlumata görə, Şəhriyar qəsəbəsində mərkəzləşdirilmiş kanalizasiya sistemi mövcud deyil. Lakin qəsəbənin tam və dayanıqlı içməli su təminatının və mərkəzləşdirilmiş kanalizasiya sisteminin yaradılması üçün dövlət proqramı çərçivəsində müvafiq layihələndirmə işlərinin aparılması planlaşdırılır.