Azərbaycanda tanınmış iş adamı dünyasını dəyişib

Azərbaycan quşçuluq sənayesinin tanınmış mütəxəssisi Ərəstun Abbasov dünyasını dəyişib.

Minval.info xəbər verir ki, Ərəstun Abbasovun ölümünə səbəb ürək tutması olub.

Ölkənin quşçuluq sahəsi üzrə mütəxəssisi əmək fəaliyyətinə Biləsuvar (keçmiş Puşkin) rayonunun “Oktyabr” kolxozunda baytar həkim kimi başlaylb. Sonradan rayonun quşçuluq fabrikinin baş baytar həkimi, Cəlilabad quşçuluq fabrikinin direktor müavini, Dəvəçi rayon quşçuluq fabrikinin direktoru, Siyəzən rayon quşçuluq fabrikinin baş direktoru, Prezident Aparatında şimal zonası üzrə dövlət müşaviri vəzifələrində çalışıb.

ƏLAQƏLİ

Bunu da oxu

Bakıda tıxacları azaltmağın yeni üsulu: təmir işləri gecə aparıla bilər

21.10.2026 - 14:14

Heydər Əliyev hakimiyyətə gələndən sonra Azərbaycan Quşçuluq Sənayesi Şirkətinin prezidenti təyin edilib. Struktur islahatları çərçivəsində Şirkət ləğv edilənədək, 5 il bu vəzifədə fəaliyyət göstərib.
Ondan sonra da sahəsinin peşəkarı kimi müxtəlif fabriklərdə direktor, direktor məsləhətçisi kimi quşçuluq sənayeseinin inkişafında böyük xidmətlər göstərib.

Xatırladaq ki, Ərəstun Vəlican oğlu Abbasov 1949-cu il noyabrın 13-də Biləsuvarda dünyaya gəlib. Bu gün mərhumun üçüdür. Ərəstun Abbasov rayonda xeyriyyəçi kimi də tanınırdı. Evlidir. Üç övladı var.