Aydın Mirzəzadədən məktəbli geyimi ilə bağlı açıqlama: Milli ənənələr nəzərə alınıb

Azərbaycanda dövlət ümumi təhsil müəssisələrində məktəbli geyim formaları ilə bağlı Nazirlər Kabinetinin qəbul etdiyi qərar cəmiyyətdə geniş müzakirələrə səbəb olub. Qərar çərçivəsində şagirdlərin geyim formaları ilə yanaşı, təhsilverənlər üçün də geyim tələbləri müəyyənləşdirilib. Bu vahid məktəbli formasının tətbiqi, təhsil mühitində ümumi qaydaların qorunması və şagirdlər arasında bərabərliyin təmin edilməsi baxımından önəm daşıyır. Müzakirələrdə geyim qaydalarının milli adət-ənənələrə uyğunluğu da diqqət mərkəzindədir.

Publika.az-ın yazdığına görə, millət vəkili Aydın Mirzəzadə bu mövzu ilə bağlı fikirlərini bölüşüb. O, vahid məktəbli geyimi ilə bağlı qərarı düzgün hesab etdiyini bildirib. Deputatın sözlərinə görə, dünya təcrübəsində dövlət orta məktəblərində vahid geyim formasından istifadə uzun müddətdir tətbiq olunur və bu təcrübə bu gün də davam edir.

Aydın Mirzəzadə vurğulayıb ki, vahid məktəbli forması, şagirdlərin geyimləri arasındakı fərqlərə deyil, təhsilə diqqət yetirilməsinə və sosial bərabərliyin yaradılmasına xidmət edir. Onun fikrincə, Azərbaycanda qəbul edilən geyim forması həm beynəlxalq təcrübəni, həm də milli adət-ənənələri nəzərə alır.

ƏLAQƏLİ

Bunu da oxu

İlqar Fəhmi məktəbli forması qərarını dəstəkləyir: Zərurət var

12.10.2026 - 10:24

Millət vəkili, valideynlərin bu qərarı anlayışla qarşıladığını vurğulayıb. O, qeyd edib ki, məktəbə tələsən şagirdləri gördükdə, gələcək nəslin bərabərlik prinsipləri əsasında və yüksək təhsil səviyyəsi ilə yetişdiyinin şahidi olacağımızı düşünür.