Azərbaycanda siqaretlər bahalaşdı - YENİ QİYMƏTLƏR

Ötən gündən paytaxtın bir sıra iri market və məhəllələrarası kiçik mağazalarında siqaretlərin qiymətində artım olub.

Bəzi siqaretlər mağazalarda fərqli qiymətlərə təklif edilir.

Məsələn, bəzi mağazalarda “Winchester” daha əvvəl 2.80 AZN-ə, bu gün isə 3.10 AZN-ə satılır. 2 AZN-ə təklif edilən “LD” siqaretləri isə 2,40 AZN-ə qalxıb. “Winston XS” siqaretlərinin qiyməti 2.80 AZN-dən 3.20-yə qalxıb.  Digər siqaretlərin qiymətlərində təxminən 30-40 qəpik arasında bahalaşma müşahidə edilir.

Bu proses 1 həftə öncədən başlayıb. Minval.info xəbər verir ki, firmalar mağazalara bu barədə öncədən məlumat veriblər. Mağaza sahiblərinin sözlərinə görə, gələn həftədən etibarən siqaretlərin qiymətləri kütləvi olaraq bahalaşacaq.

Onu da qeyd edək ki, böyük marketlərdə siqaretlər köhnə qiymətlərlə satılır.