Azərbaycanda bədbəxt hadisə: Ata qızının toyuna dörd gün qalmış faciəvi şəkildə öldü

Salyan sakini qıcolmadan su kanalına düşərək ölüb.

“Minval.info”nun Bizim.Media-ya istinadla məlumatına görə, hadisə bu gün səhər saatlarında Şorsulu kəndi ərazisində qeydə alınıb.

Belə ki, Şorsulu ərazi vahidliyinə daxil olan Boranıkənd kənd sakini, 1975-ci il təvəllüdlü, II qrup əlil Sarxanov Rafət Əvəz oğlu bu gün səhər saatlarında qoyunları örüşdə otararkən anidən qıc olub. Nəticədə yaxınlıqdakı su kanalına düşərək boğulub.

Məlumata görə, R.Sarxanov uzun illərdir qıcolma xəstəliyindən əziyyət çəkirmiş. Qeyd edək ki, iyunun 4-də mərhumun qızının toyu olacaqdı.

Faktla bağlı araşdırma aparılır.