Kenan və Beren 3 milyonluq villa axtarışında

Məşhur cütlük Kenan Doğulu və Beren Saat, Los-Ancelesdə baş verən yanğından sonra yeni mənzil axtarışına çıxıb. 2025-ci ilin yanvarında Malibudakı 2,5 milyon dollarlıq villaları yanaraq külə dönən cütlük, həmin ərazidə yenidən ev tikdirmək fikrindən daşınıb.

Minval.info xəbər verir ki, sığorta ödənişini alan Kenan və Beren, artıq Hollivudda 3 milyon dollardan başlayan lüks villalarla maraqlanır və bəyəndikləri bir mülkü almağa hazırlaşırlar. Xatırladaq ki, yanğın zamanı onların təkcə evi deyil, daxildəki dəyərli əşyaları da məhv olmuşdu.

Kenan Doğulunun 1 milyon dollarlıq musiqi studiyası, xüsusi lent yazıları və kolleksiya gitaraları, həmçinin Beren Saatın gəlinliyi və 50-yə yaxın incəsənət əsəri də yanaraq kül olmuşdu.