Bakıda mənzil alarkən qazancın sirri açıqlandı

Bakıda həyata keçirilən infrastruktur və şəhərsalma layihələri mənzil qiymətlərinə və investisiya cəlbediciliyinə əhəmiyyətli təsir göstərə bilər. Nəqliyyat imkanlarının genişlənməsi və yeni sosial obyektlərin yaradılması ətraf ərazilərdə daşınmaz əmlaka olan tələbi artırır.

Minval.info xəbər verir ki, əmlak eksperti Anar Nəsirov Bakı şəhərinin 2040-cı ilə qədər olan Baş planına əsasən, qəzalı vəziyyətdə olan binaların sökülərək müasir yaşayış kompleksləri ilə əvəzlənməsinin davam etdiyini bildirib. Bu layihələr çərçivəsində əmlak sahibləri tikinti şirkətləri ilə razılaşma əsasında əmlaklarının yenilənməsi prosesində iştirak edirlər.

Ekspert qeyd edir ki, əmlak sahibləri söküntü zamanı kompensasiya və ya yeni mənzil seçimi arasında qərar verə bilərlər. Əlavə kvadrat daxil olmaqla yeni mənzil əldə etmək, xüsusilə bina tikilib başa çatdıqdan sonra daha yüksək qiymətə satılma potensialı ilə, daha sərfəli variant hesab olunur. Bu, əmlak sahiblərinə daha çox gəlir əldə etmək imkanı verir.