Bədənlər -196°C-də: Ölüm sonrası həyat ümidləri

Bəzi insanlar ölüm sonrası həyat ümidi ilə bədənlərini -196°C temperaturda saxlatdırırlar. Avstraliyadakı Southern Cryonics müəssisəsində hazırda 7 nəfərin cəsədi maye azotla dolu tanklarda qorunur. Ölümündən sonra bədənlər hüceyrələrin zədələnməsini azaltmaq üçün xüsusi kimyəvi maddələrlə işlənir və daha sonra tanklara yerləşdirilir.

Minval.info xəbər verir ki, bu prosedurun ilkin mərhələsi təxminən 60 min dollara başa gəlir. Bədənin müddətsiz saxlanılması üçün əlavə 150 min dollar ödənilir. Lakin mütəxəssislər insan bədəninin dondurulduqdan sonra yenidən həyata qaytarılmasını mümkün edən texnologiyanın hazırda mövcud olmadığını bildirirlər.

Müəssisənin rəhbəri Philip Rhoades isə yaxşı qorunmuş bədənlərin 2080-ci il ətrafında yenidən həyata qaytarıla biləcəyini düşünür.