Bakıda yağmursuz hava, rayonlarda leysan gözlənilir

Sentyabrın 13-də ölkə ərazisində gözlənilən hava şəraiti açıqlanıb. Bakıda və Abşeron yarımadasında hava dəyişkən buludlu olacaq və əsasən yağmursuz keçəcək. Cənub-şərq küləyi əsəcək. Gecə saatlarında temperatur 17-21° isti, gündüz isə 26-30° isti olacaq. Atmosfer təzyiqi 762 mm civə sütunu təşkil edəcək, nisbi rütubət gecə 70-75%, gündüz 45-50% arasında dəyişəcək.

Minval.info xəbər verir ki, Azərbaycanın rayonlarında hava əsasən yağmursuz keçəcək, lakin gündüz bəzi yerlərdə arabir yağış yağacağı gözlənilir. Cənub-şərq rayonlarında və dağlıq ərazilərdə qısamüddətli leysan xarakterli yağıntılar, şimşək çaxması və dolu düşməsi ehtimalı var. Gecə və səhər saatlarında bəzi dağlıq ərazilərdə duman müşahidə ediləcək. Şərq küləyi əsəcək. Gecə temperaturu 16-20° isti, gündüz 28-33° isti, dağlıq ərazilərdə isə gecə 8-13° isti, gündüz 18-23° isti olacaq.