Sevda Yahyayevadan səmimi və unudulmaz konsert gecəsi

Müğənni Sevda Yahyayeva oktyabrın 17-də Azərbaycan Dövlət Filarmoniyasında keçiriləcək konsertinə hazırlıqlarını davam etdirir. O, konsertlə bağlı videoaçıqlamasında bildirib ki, bu gecə yalnız musiqi ilə məhdudlaşmayacaq.

Minval.info xəbər verir ki, Sevda Yahyayeva konsertin tamaşaçılarla səmimi ünsiyyət, gözəl xatirələr və söhbətlərlə zəngin olacağını vurğulayıb. “Bu gün mən böyümüş Sevdayam, anayam. Hisslərim və həyata baxışım dəyişib. Bu səbəbdən də bu konsert mənim üçün xüsusi əhəmiyyət daşıyır. Bu duyğunu və sevgini sizinlə bölüşmək istəyirəm. Konsertə gələnlərin gecədən zövq almasını arzulayıram,” – deyə, müğənni əlavə edib.