Avstriyada içərisində məktəblilər olan elektrik qatarı relsdən çıxıb və çaya düşüb.

“Minval.info” “İzvestiya”ya istinadən xəbər verir ki, ilkin məlumatlara görə, hadisə zamanı ən azı 17 nəfər xəsarət alıb.

“TASS” agentliyinin məlumatına görə, hadisə Zalsburqda baş verib. Həmçinin, qatarda 54 məktəblinin olduğu deyilir.

Qırmızı Xaç tərəfindən həyata keçirilən regional xilasetmə əməliyyatının rəhbəri Anton Şilher bildirib ki, hadisə yerinə 30 xilasedici, 10 təcili yardım maşını və 1 vertolyot cəlb olunub. Xilasetmə əməliyyatı başa çatıb. 9 nəfər xəstəxanaya çatdırılıb.

Zərərçəkənlərdən heç birinin ölüm təhlükəsi yoxdur.