Astarada turistlə yerli sakin arasında şəlalədə gərgin anlar: Təhqir edən şəxs həbs olundu

Astara rayonunda Sım şəlaləsində çimən bir turisti təhqir edən şəxs hüquq-mühafizə orqanları tərəfindən saxlanılıb.

Minval.info xəbər verir ki, 40 yaşlı Həmid Mədətov (ad dəyişdirilib) adlı kənd sakini, şəlalənin yaxınlığında bir şəxsin suda çimdiyini görüb və ona ətrafda evlərin olduğunu bildirərək sudan çıxmasını tələb edib. Lakin turist, buranın istirahət zonası olduğunu bildirərək çimməyə davam edib.

Bu vəziyyətdən narazı qalan Həmid, həmin şəxsi nalayiq sözlərlə təhqir edib. Hadisə ilə bağlı polis əməkdaşları tərəfindən Həmid Mədətov saxlanılıb və ona qarşı inzibati protokol tərtib olunub.

ƏLAQƏLİ

Bunu da oxu

Rusiyada azərbaycanlı gəncin keçmiş sevgilisini öldürməsinin təfərrüatı

13.11.2026 - 15:54

Məhkəmə qərarı ilə Həmid Mədətov 5 gün müddətinə inzibati həbs cəzasına məhkum edilib. O, əməlindən peşman olduğunu və gələcəkdə belə hallara yol verməyəcəyini bildirib.