Almaniyada deportasiyadan yayınan Azərbaycan vətəndaşları axtarışa verilib

Sentyabrın 14-də Düsseldorfdan Azərbaycana göndərilənlərin siyahısında olan, amma deportasiya prosesindən yayınan azərbaycanlılar polis tərəfindən axtarşa verilib.

“Minval.info” xəbər verir ki, Bu barədə “Report”un Avropa bürosuna Şimali Reyn Vestfaliya Daxili İşlər Nazirliyindən bildiriblər.

Vurğulanıb ki, deportasiyadan yayınan Azərbaycan vətəndaşlarının sayı 5-dir. Sentyabrın 13-ü deportasiya ediləcək şəxslərin ünvanlarına baş çəkən polis və miqrasiya idarəsinin əməkdaşları ikisi bir ailənin üzvü olmaqla ümumilikdə 5 nəfəri evlərində tapmayıblar.

Qeyd edək ki, sentyabrın 14-də bir qrup azərbaycanlı Almaniyadan deportasiya edilib. Təyyarə axşam saatlarında Bakıya enib və deportasiya edilən Azərbaycan vətəndaşları “Atletlər kənd”inə aparılıblar.