Ali təhsil müəssisələrində 1393 plan yeri boş qalıb

Ali təhsil müəssisələrinin boş qalan plan yerlərinə qəbul prosesi başa çatıb və 2026-2027-ci tədris ili üzrə tələbə qəbulunun əsas mərhələləri tamamlanıb. Dövlət İmtahan Mərkəzinin sədri Məleykə Abbaszadə bildirib ki, yekun nəticələrə əsasən, ali təhsil müəssisələrində plan yerlərinin 97.71%-i dolub, cəmi 1393 plan yeri boş qalıb.

Minval.info xəbər verir ki, tələbə qəbulu aparılan 41 mülki ali təhsil müəssisəsindən 13-də plan yerləri tam dolub, 4-də isə 99%, digər 4-də isə 98% dolma göstəricisi qeydə alınıb. Ümumilikdə 34 ali təhsil müəssisəsində dolma göstəricisi 95%-dən yüksəkdir.