Ali məktəblərə qeydiyyat tarixləri açıqlandı

Ali təhsil müəssisələrinə qəbul olunan tələbələrin qeydiyyat tarixləri açıqlanıb. Qeydiyyat prosesi avqustun 28-dən sentyabrın 8-i saat 18:00-dək davam edəcək.

Minval.info xəbər verir ki, qeydiyyat yalnız my.gov.az portalı vasitəsilə həyata keçiriləcək. Elm və Təhsil Nazirliyinin müvafiq xidməti bu platformada istifadəyə verilib. Qəbul olunan şəxslər mygov ID vasitəsilə şəxsi kabinetlərinə daxil olaraq, “Xidmətlər” bölməsindən Elm və Təhsil Nazirliyini seçməli və “Ali və orta ixtisas təhsil müəssisələrinə təhsilalanların qeydiyyatı” xidmətinə keçid etməlidirlər.

Müəyyən olunmuş müddətdə qeydiyyatdan keçməyən abituriyentlər müvafiq ixtisasa yerləşdirilmədən imtina etmiş sayılacaq və onların qəbul əmri ali məktəbə göndərilməyəcək.