Adnan Oktarın əsas “kedicik”lərindən biri ifadə verdi

Adnan Oktarın əsas “kedicik”lərindən biri ifadə verdi — FOTOLAR

Adnan Oktar qruplaşmasının əsas “kediciklər”indən sayılan Beril Koncagül ifadə verib.

“Ölkə.Az” xəbər verir ki, 8 gün prokurorluqda ifadə verən Koncagül qruplaşma daxilində zorakılıq, məcburi tatu etdirmə və çirkli pulların yuyulması kimi cinayətləri danışıb.

Adnan Oktar istintaqı çərçivəsində həbs edilən Beril Bursa həbsxanasında peşman olduğunu bildirib və qruplaşma əleyhinə ifadə verməyə razılaşıb. 8 gün prokurorluqda ifadə verən “kedicik” sərbəst buraxılıb. Koncagülün ifadəsi 100 səhifədir və onun Adnana çox yaxın olan “bacılar qrupu”nun üzvü olduğu bildirilir. Beril ifadəsində qruplaşma daxilindəki oyunları bir-bir üzə çıxarıb.

Döyülmə, televiziyada məcburi rəqs, bədənin 3-də iki hissəsinə məcburi döymə vurdurma, evə həbs edilmə, rabitə vasitələrindən məhrum edilmə, çirkli pulların yuyulması, azadlığın əlindən alınması, təhdid və şantajla bağlı Beril ifadə verib.