ADMİU-dan qovulan tələbə geri qayıdır?

Son günlərdə Azərbaycan Dövlət Mədəniyyət və İncəsənət Universitetindən (ADMİU) qovulan tələbənin yenidən bərpa olunması məsələsi geniş müzakirə mövzusuna çevrilib. TikTok platformasında canlı yayım zamanı universitetin birinci kurs tələbələrinə qarşı təhqiramiz ifadələr işlədən və onları hədələyən bacı-qardaşın hərəkətləri cəmiyyətdə ciddi narazılığa səbəb olub. Bu hadisədən sonra Kənan Zindadil adlı tələbə universitetdən xaric edilib.

Minval.info xəbər verir ki, Kənan Zindadil sosial şəbəkələrdə yayımladığı videomüraciətdə universitet rəhbərliyinin onun barəsində haqsız qərar qəbul etdiyini iddia edib. O, təhsil aldığı müddətdə müxtəlif təzyiqlərə məruz qaldığını və universitetə bərpa olunmaq istədiyini bildirib.

Təhsil eksperti Məzahir Məmmədli məsələyə münasibət bildirərək, universitetin qərarının tələsik olduğunu qeyd edib. O, hüquq-mühafizə orqanlarının araşdırmalarının nəticələrinə əsasən qərar qəbul edilməsinin daha məqsədəuyğun olduğunu vurğulayıb. Ekspert əlavə edib ki, universitetin daxili intizam qaydaları Azərbaycan Respublikasının Konstitusiyasından üstün olmamalıdır və ictimai narazılıq da nəzərə alınmalıdır.

ƏLAQƏLİ

Bunu da oxu

Lerikdə 3.1 maqnitudalı zəlzələ qeydə alındı

18.09.2026 - 17:50

Məzahir Məmmədli, tələbənin yenidən universitetə bərpa olunmasının mümkünlüyünü də qeyd edib. O, universitetin məsələni yenidən nəzərdən keçirə biləcəyini və müəyyən öhdəliklər qarşılığında tələbəni geri qaytara biləcəyini bildirib. Lakin ictimaiyyətin böyük bir hissəsi tələbənin davranışını pisləyir və onun yenidən tələbə olmasına qarşı çıxır.