ABŞ və sepah arasında gizli təmaslar: İran iddiaları rədd edir, sanksiyalar mövqeyi dəyişmir

Hörmüz boğazında təhlükəsiz gəmiçiliyin təmin edilməsi üçün Omanla aparılan danışıqlar davam edir. İran Xarici İşlər Nazirliyinin nümayəndəsi İsmayıl Bəqai, bu müzakirələrin gəmilərin hərəkət marşrutlarının əsas parametrlərini əhatə etdiyini bildirib. Tərəflər, razılaşmaları marşrut xəritəsi ilə birgə bəyanat şəklində sənədləşdirmək niyyətindədirlər.

Minval.info xəbər verir ki, ABŞ və SEPAH (İslam İnqilabı Keşikçiləri Korpusu) arasında İraq Kürdistanı vasitəsilə gizli təmaslar barədə yayılan xəbərlərə münasibət bildirən Bəqai, bu iddiaları “süni” və İran dövlət strukturları arasında ixtilaf yaratmaq cəhdi kimi dəyərləndirib.

Tehran, ABŞ-nin yeni sanksiyaları, xüsusilə Çin neftayırma şirkətlərinə və banklarına qarşı mümkün tədbirlərin İranın mövqeyini dəyişməyəcəyini bəyan edib. İran Xarici İşlər Nazirliyi, ölkənin ABŞ təzyiqinə qarşı durmaq üçün bütün mümkün vasitələrdən istifadə etməyə hazır olduğunu vurğulayıb.