ABŞ qəbul edəcəyi əfqan qaçqınların sayını artırmaq istəyir

ABŞ Əfqanıstandan təxliyyə edilmiş qaçqınların ölkədə yerləşdirilməsi planını 50 min nəfərədək genişləndirmək niyyətindədir.

“Minval.info” TASS-a istinadən xəbər verir ki, bunu ABŞ Silahlı Qüvvələrinin Şimal komandanlığının rəhbəri, general Qlen Van Hörk deyib.

“Biz ABŞ-a gələcək əfqan qaçqınların sayını azı 50 min nəfərə çatdırmaq istəyirik. Hazırda bu rəqəm 25 600 nəfər nəzərdə tutulub”, – deyə general qeyd edib. O əlavə edib ki, hazırda bütün qaçqınlara sığınacaq, yemək, su verilir və tibbi xidmət göstərilir.