ABŞ hərbçilərinin ilk qrupu Suriyadan çıxıb

Amerika qoşunları Suriyada İraqla sərhəddə yerləşən anbarı boşaldıb.

“Ölkə.Az” “Anadolu” agentliyinə istinadən xəbər verir ki, artıq texnika və azı 50 hərbçi oranı tərk edib.

Məlumata əsasən, 400 kvadratmetr ərazisi olan anbar bu günə kim ABŞ hərbi texnikasının paylaşdırılması üçün mərkəz rolunu oynayıb.

Sözügedən anbardakı silah, döyüş sursatları və hərbçilər zirehli avtomobillər vasitəsi ilə İraqa aparılıb.