ABŞ-da soyuq silahla dolu yük maşını saxlanıldı

Kapitoliya polisi ABŞ Demokrat Partiyasının Milli Komitəsinin binası yaxınlığında soyuq silahlarla dolu yük maşınını saxlayıb.

“Minval.info” “Qafqazinfo”a  istinadən xəbər verir ki, nömrəsiz yük maşınında bıçaq, süngü və yaxın döyüş silahları olub. Avtomobilin sürücüsü – 44 yaşlı kolumbiyalı Donalde Kreyqxede polis tərəfindən saxlanılıb. O, ifadəsində yoxlanışa çıxdığını bildirib və ağ irqin üstünlükləri barədə ifadələr işlədib.

Kapitoliya polisi faktla bağlı tədqiqatlar aparır.