ABŞ-da 48 nəfərə avtomobillə xəsarət yetirən şübhəli şəxsin kimliyi məlum olub
ABŞ polisi 39 yaşlı Darrell Bruksu Viskonsin ştatının Uokeş şəhərində keçirilən Milad paradının iştirakçılarını avtomobillə vurmaqda şübhəli şəxs adlandırıb və ona qarşı Cinayət Məcəlləsinin qəsdən adam öldürmə maddəsinin beş bəndi üzrə ittihamlar irəli sürülüb.
Bu barədə Minval.info “RİA Novosti”yə istinadən xəbər verir.
Qeyd edək ki, ötən gün törədilmiş hadisə nəticəsində 5 nəfər ölüb, daha 48 nəfər yaralanıb. Yaralılardan ikisi uşaqdır, onlar ağır vəziyyətdədir.
“Bu faciəvi hadisədə şübhəli bilinən şəxsin 39 yaşlı Darrell Bruks olduğu müəyyən edilib”, – yerli polis rəisi Dan Tompson mətbuat konfransında deyib.
Bruks hadisə yerində həbs edilib. Polislərdən biri avtomobilə atəş açsa da, o, xəsarət almayıb. Tompson əlavə edib ki, araşdırma davam etdikcə Bruks əlavə ittihamlarla üzləşə bilər.
Polis terror aktı versiyasını təkzib edib. Bildirilir ki, cinayətkar tək hərəkət edib.
ABŞ Prezidenti Cozef Bayden də öz növbəsində Uokeş şəhərində vəziyyətin nəzarət altında olduğunu deyib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Türkiyədə dizel yenidən 100 lirədən ucuzdur
Elşad Namazov Abşeron Logistikadan ayrıldı: 8 ilin sonu
Yusuf Dikeç Derya Arms-da məsləhətçi oldu
Nobel mükafatının məbləği rekord həddə çatdı
Rusiya Ermənistana iqtisadi xəbərdarlıq etdi
Əraqçinin Pekin səfəri: Çin-İran münasibətlərində yeni mərhələ
Qızılın qiyməti yenidən yüksəlir!
