7 il əvvəl itən qadının meyiti TAPILDI: əmisi oğlu öldürübmüş - FOTO

Masallıda itkin düşən şəxsin qətlə yetirildiyi məlum olub.

Daxili İşlər Nazirliyindən “Minval.info”ya verilən məlumata görə, 2015-ci ilin iyulun 6-da Masallı rayonunun Təklə kənd sakini Səidə Cəfərovanın itkin düşməsi barədə daxil olmuş məlumatla əlaqədar 2019-cu il iyunun 11-də Cinayət Məcəlləsinin 144-1-ci (insan alveri) maddəsi ilə cinayət işi başlanılıb.

ƏLAQƏLİ

Bunu da oxu

Azərbaycanda 1 milyonluq dələduzluq hadisəsi

31.10.2026 - 12:24

Araşdırmalarla Təklə kənd sakini Əfrail Məmmədovun 2015-ci il iyulun 5-də kənd ərazisində əmisi qızı S.Cəfərovanı bıçaqla xəsarət yetirərək öldürməsinə əsaslı şübhələr müəyyən edilib.

Polis əməkdaşlarının keçirdikləri əməliyyat-axtarış tədbirləri nəticəsində Ə.Məmmədov şübhəli şəxs qismində tutularaq istintaqa təhvil verilib.

Faktla əlaqədar Cinayət Məcəlləsinin 144-1-ci maddəsi ilə başlanılmış cinayət işi Cinayət Məcəlləsinin 120-ci (qəsdən adam öldürmə) maddəsinə tövsif edilib.

ƏLAQƏLİ

Bunu da oxu

Cinayət törətməkdə şübhəli bilinən 45 nəfər saxlanıldı

31.10.2026 - 10:14