30 il sonra Şuşa həbsxanasına qayıtdı

Keçmiş əsir Namiq Qarayev, 30 il əvvəl əsir saxlanıldığı Şuşa həbsxanasına geri dönərək, vaxtilə saxlanıldığı kameranı yenidən ziyarət edib. 1993-cü ilin sentyabr ayında Azərbaycanın suveren ərazilərinin müdafiəsi uğrunda gedən döyüşlər zamanı əsir götürülən Namiq Qarayev, ağır işgəncələrə məruz qalmış və digər əsirlərlə birlikdə məcburi işlərə cəlb edilmişdi.

Minval.info xəbər verir ki, Namiq Qarayev və digər əsirlər, əsirlikdə olduqları müddətdə fiziki işgəncələrə və ləyaqətlərini alçaldan rəftara məruz qalıblar. Xankəndi Şəhər Xəstəxanasında bir aya yaxın müalicə edildikdən sonra, 1995-ci il avqustun 23-də Azərbaycan tərəfinə təhvil verilib.