“Zəng etdi, dedi, intim əlaqəyə razı olmasan...” - Bakıda qadın polisə şikayət etdi

Bakının Suraxanı rayonunda 30 yaşlı qadın şantaj olunub.

Minval.info teleqraf.com-a istinadən xəbər verir ki, Bakı şəhər sakini Samirə Vəliyeva (ad və soyad şərti verilib – red.) şantaj olunması barədə Suraxanı Rayon Polis İdarəsinə şikayət edib.

Qadın şikayətində göstərib ki, bir müddət əvvəl sosial şəbəkədə Tərlan adlı şəxslə tanış olub. Tərlan ondan mobil telefonunu alıb, sonra zəng edərək, intim əlaqədə olmağı tələb edib.

Tərlan qadının intim əlaqədən boyun qaçıracağı halda sosial şəbəkədə onu əxlaqsız qadın kimi təqdim rüsvay edəcəyini söyləyib.

Samirə Vəliyeva onun əməlindən polisə şikayət edib.

Faktla bağlı araşdırma aparılır.