Cibuti sahillərində miqrant faciəsi: 15-i uşaq olmaqla 109 nəfər həlak oldu

Birləşmiş Millətlər Təşkilatının (BMT) Beynəlxalq Miqrasiya Təşkilatı (IOM) tərəfindən verilən məlumata görə, Cibuti sahillərində miqrantları daşıyan gəmi batıb. Gəmidə olan 350 nəfərdən 15-i uşaq olmaqla ən azı 109 nəfər həyatını itirib, 116 nəfər isə itkin düşüb.

Minval.info xəbər verir ki, faciədən sağ qurtulanların IOM-ə verdiyi məlumata əsasən, gəmi Cibutinin Obok qəsəbəsi sahillərində batıb. IOM Cibuti Missiya Şefi Aleksandr Koissak qeyd edib ki, “Bu faciə, Babülməndəb boğazından keçərək əvvəlcə Yəmənə, sonra isə Körfəz ölkələrinə getməyə çalışan miqrantların üzləşdikləri təhlükələrin acı bir xatırlatıcısıdır.” Koissak həmçinin bildirib ki, IOM komandaları Cibuti rəsmiləri ilə birgə təcili yardım göstərmək üçün sahədədirlər.

IOM-un açıqlamasına görə, tapılan 109 cəsəddən 52-si kişi, 42-si qadın və 15-i uşaqdır. Faciədən sağ qurtulan 80 nəfərin isə hamısının Efiopiya vətəndaşı olduğu bildirilib.

ƏLAQƏLİ

Bunu da oxu

İrlandiyalı keçmiş Olimpiya üzgüçülük məşqçisi George Gibney məhkəmə qarşısında

11.10.2026 - 14:24

BMT-nin məlumatına görə, keçən il Yəmənə uzanan dəniz marşrutu ilə 900-dən çox miqrant ya həlak olub, ya da itkin düşüb. Bu marşrut üzrə səyahət edənlərin sayında 18 faiz artım müşahidə edilib.