Azərbaycanlı müğənni ilə oxuduğu mahnıya görə reper saxlanıldı

Publika.az-ın yazdığına görə, Türkiyədə məşhur reper “Lvbel C5” səhnə adı ilə tanınan Süleyman Burak Bodur azərbaycanlı müğənni Asya Əlizadə ilə birgə ifa etdiyi “K….” mahnısının sözlərinə görə saxlanılıb.

İstanbul Anadolu Cümhuriyyət Baş Prokurorluğu tərəfindən aparılan təhqiqat çərçivəsində Bodur prokurorluqda ifadə verib. Prokurorluq reperi “cinayət törətməyə açıq şəkildə təhrik” ittihamı ilə məhkəməyə göndərib. Bodur isə ifadəsində ittihamları qəbul etməyərək, mahnı sözlərini təxəyyülünə əsasən yazdığını bildirib.

Reper, “Mən xəyal quraraq mahnı sözləri yazıram. Xüsusi bir qəsdim yoxdur. Şiddət ehtiva edən bir vəziyyət yoxdur, tamamilə gənclər üçün xəyali sözlərdir” deyərək, şikayətlərdən xəbər tutan kimi mahnını rəqəmsal platformalardan sildiyini bildirib.

ƏLAQƏLİ

Bunu da oxu

Cibuti sahillərində miqrant faciəsi: 15-i uşaq olmaqla 109 nəfər həlak oldu

11.10.2026 - 16:24

Məhkəmə prokurorluğun həbs tələbini rədd edərək, reper barəsində məhkəmə nəzarəti tədbirlərinin tətbiq edilməsinə qərar verib. Bu qərara əsasən, onun ölkədən çıxışına qadağa qoyulub və həftədə iki gün polis idarəsində imza vermək öhdəliyi müəyyən edilib.

Bununla yanaşı, məhkəmə reperin türk ədəbiyyatı üzrə təhsilini davam etdirməsini məcburi öhdəlik kimi müəyyən edib.