Yaponiyanın baş naziri Azərbaycana minnətdarlığını bildirdi

Yaponiyanın baş naziri Sanae Takaiçi, Kumamoto prefekturasında baş verən 7,1 maqnitudalı zəlzələ ilə əlaqədar başsağlığı və yardım təklifləri göndərən ölkələrə təşəkkürünü ifadə edib.

Minval.info xəbər verir ki, Takaiçinin təşəkkür etdiyi ölkələr arasında Azərbaycan da yer alıb. Baş nazir, “Kumamoto zəlzələsi ilə əlaqədar dünyanın bir çox ölkə və regionlarından, eləcə də beynəlxalq təşkilatlardan səmimi başsağlığı mesajları və konkret yardım təklifləri almışıq. Fürsətdən istifadə edərək bir daha dərin minnətdarlığımı bildirmək istəyirəm,” deyə vurğulayıb.

Sanae Takaiçi, Azərbaycan daxil olmaqla, 56 ölkəyə və 7 beynəlxalq təşkilata minnətdarlığını ifadə edib. Xatırladaq ki, iyulun 28-də Yaponiyanın cənubunda, Kyuşu adasındakı Kumamoto prefekturasında 7,1 maqnitudalı zəlzələ baş verib. Bu təkanlar dağıntılara və elektrik enerjisi təchizatında fasilələrə səbəb olub. Hakimiyyət orqanları sunami xəbərdarlığı elan etsə də, sonradan bu xəbərdarlıq ləğv olunub. Son məlumatlara görə, zəlzələ nəticəsində 34 nəfər həlak olub.