Yapon dəniz duzunda yod çatışmazlığı aşkarlandı

Yaponiyadan Azərbaycana idxal edilən “Aranami Samurai Salt” markalı ədviyyatlı dəniz duzunda uyğunsuzluq aşkar edilib. Azərbaycan Qida Təhlükəsizliyi Agentliyi (AQTA) tərəfindən verilən məlumata görə, məhsul partiyasından götürülən nümunələrin laborator müayinəsi nəticəsində yodun miqdarının normadan aşağı olduğu müəyyən olunub.

Minval.info xəbər verir ki, bu uyğunsuzluqla əlaqədar qanunvericiliyə uyğun tədbirlər görülüb və ümumi çəkisi 22,6 kq olan istehlaka yararsız məhsul məhv edilib.