Xəzər dənizi günü: Beş ölkə ekoloji təhlükəsizliyə diqqət çəkir

Bu gün Xəzəryanı ölkələrdə ‘Xəzər dənizi günü’ xüsusi tədbirlərlə qeyd olunur. Bu günün əhəmiyyəti Xəzər dənizinin ekoloji təhlükəsizliyinə diqqət çəkmək və onun bioloji sərvətlərinin qorunmasını təşviq etməkdir.

Minval.info xəbər verir ki, ‘Xəzər dənizinin dənizətrafı mühitinin mühafizəsi haqqında Çərçivə Konvensiyası’ Xəzər hövzəsinə daxil olan beş ölkə arasında ətraf mühitin qorunmasına dair ilk hüquqi sənəd kimi qəbul edilir. Bu konvensiya, dənizin müxtəlif mənbələrdən çirklənməsinin qarşısının alınması və ekosistemin qorunması məqsədini daşıyır.

Konvensiyada, həmçinin Xəzərin bioloji ehtiyatlarından davamlı istifadə, ekoloji monitorinq və elmi araşdırmaların əhəmiyyəti vurğulanır. Saziş, 12 avqust 2006-cı ildə beş Xəzəryanı dövlət tərəfindən ratifikasiya edildikdən sonra qüvvəyə minib və həmin tarixdən etibarən hər il ‘Xəzər dənizi günü’ kimi qeyd olunur.