Uşaqların rəqəmsal təhlükələrdən qorunması: Valideynlər və dövlət nə etməlidir?

Günümüzdə sosial şəbəkələr cəmiyyətin gündəlik həyatının ayrılmaz bir parçasına çevrilib. Bu platformalar, informasiya əldə etmək, ünsiyyət qurmaq və bilik artırmaq üçün geniş imkanlar təqdim etsə də, müəyyən risklər və mənfi təsirlər də mövcuddur.

Minval.info xəbər verir ki, politoloq Şəbnəm Həsənova bu mövzu ilə bağlı fikirlərini bölüşərək, sosial şəbəkələrdən və süni intellekt texnologiyalarından istifadə zamanı düzgün yanaşmanın vacibliyini vurğulayıb. Onun sözlərinə görə, bu imkanlardan ağıllı və məqsədyönlü şəkildə istifadə etmək onların müsbət cəhətlərini həyatımıza qazandırır. Lakin bu vasitələrin milli-mənəvi dəyərlərə və sağlam inkişafımıza mənfi təsir göstərməməsi üçün diqqətli olmaq lazımdır.

Həsənova əlavə edib ki, yetkin insanlar müəyyən qədər məsuliyyəti dərk etsələr də, uşaqların sosial şəbəkələrin yaratdığı təhlükələrdən qorunması hələ də ciddi bir məsələ olaraq qalır. Bu səbəbdən, azyaşlıların rəqəmsal mühitdə təhlükəsizliyinin təmin edilməsi cəmiyyətin qarşısında duran əsas vəzifələrdən biridir. 16 yaşına qədər uşaqların sosial platformalarda sərbəst şəkildə hesab yaratmasının məhdudlaşdırılması, bu baxımdan, vacib bir addımdır.

Milevski "Qarabağ"ı gözündə böyütmədi: Dinamo üçün əsas problem nədir?

ƏLAQƏLİ

Bunu da oxu

Milevski "Qarabağ"ı gözündə böyütmədi: Dinamo üçün əsas problem nədir?

05.08.2026 - 21:37

Ekspert vurğulayıb ki, uşaqlar böyüdükcə ətraf mühiti daha yaxından tanıyır və müxtəlif təhlükələrlə qarşılaşma ehtimalları artır. Belə bir şəraitdə valideyn nəzarəti daha böyük əhəmiyyət kəsb edir. Uşaqların rəqəmsal mühitin zərərli təsirlərindən qorunması, onların təhlükəsiz və sağlam inkişafı üçün mühüm əhəmiyyət daşıyır.

Dövlətin uşaqların hüquqlarını və təhlükəsizliyini qorumaq üçün atdığı addımlar təqdirəlayiqdir. Sağlam düşüncəli, vətəninə və milli-mənəvi dəyərlərinə bağlı gənc nəslin formalaşdırılması həm dövlətin, həm də cəmiyyətin qarşısında duran ən vacib məqsədlərdən biridir. Bu məsuliyyət yalnız dövlət qurumlarının deyil, eyni zamanda ailənin və bütövlükdə cəmiyyətin üzərinə düşür. Valideynlər övladlarının zərərli vərdişlərdən uzaq böyüməsinə daim diqqət göstərməlidirlər.

Eyni zamanda, uşaqların siqaret, alkoqol və soyuq silah kimi təhlükəli amillərdən uzaq saxlanılması da xüsusi önəm daşıyır. Valideyn nəzarətinin gücləndirilməsi və dövlət tərəfindən qəbul olunan qərarların ardıcıl şəkildə həyata keçirilməsi nəticəsində uşaqlarımızın daha sağlam, təhlükəsiz və məsuliyyətli mühitdə böyüməsini təmin etmək mümkün olacaq.